Ready to get started?
TOP Universities
May 25, 2023
Azərbaycanda Beynəlxalq Əlaqələr üzrə Təhsil / Azərbaycan Diplomatiya Akademiyası
Seriyamızın 38-ci günündə Azərbaycanda, tələbəmiz Nurəli ilə birgəyik.
1) Özünüzü təqdim edə bilərsiniz?
Mən Nurəli Məhərrəmov, 17 yaşım var. Azərbaycan Diplomatiya Akademiyasının, Beynəlxalq Əlaqələr fakültəsində 1-ci kurs bakalavr tələbəsiyəm.
2) Universitetə hansı nəticələr ilə qəbul olmuşdunuz?
Universitetə 1380 SAT , 6.0 IELTS və olimpiada birinciliyi (Fibanocci) sayəsində qəbul olunmuşam. İllik təhsil haqqım 6000 AZN-dir.
3) Universitetdə təhsil necədir (dərslər; elmi araşdırmalar və s. akademik fəaliyyətlər)?
Universitetdə dərslər bir qədər tələbkardır. Gündəlik hazırlaşıb verilən tapşırıqları zamanında yerinə yetirmək lazımdır və hər bir dərsin özünə məxsus elmi araşdırması və imtahanları mövcuddur. Bir çox dərslər bir-biri ilə əlaqəlidir və birindən uğurlu nəticə göstərmədiyin halda digər dərsinə birbaşa təsir göstərir.
4) Bəs təhsil xaricində tələbə həyatı necədir (klublar, yarışmalar və s. sosial fəaliyyətlər)?
Təhsil xaricində yaşam çox maraqlı və hərtərəflidir. Tələbələr gün ərzində oxuduğu kursdan və fakültəsindən asılı olmayaraq birlikdə vaxt keçirir, fəsildən asılı olaraq müxtəlif fəaliyyətlərlə məşğul olurlar. Tələbə klubları il ərzində musiqi yarışmaları, idman oyunları və rayonlara turlar təşkil edərək tələbələrin sosiallaşmasına kömək edirlər.
5) Olduğunuz ölkə və şəhər haqqında təəssüratlarınızı paylaşa bilərsiniz?
ADA universiteti Bakı şəhərindədir. Bakı şəhəri isə tamamən təhlükəsiz və keçmişlə gələcəyin harmoniyasıyla zəngin bir şəhərdir. Xəzər dənizi isə bu mənzərəni daha da zənginləşdirir.
6) Bu ölkədə, universitetdə, və yaxud ümumiyyətlə xaricdə təhsil almaq istəyən tələbələrə nə kimi tövsiyələr verə bilərsiniz?
ADA universitetində təhsil almaq istəyənlərə verə biləcəyim məsləhət hər bir dərsdən az olsa belə məlumata sahib olmaqdır.
